صورتى انا واحمد عز

صورتى انا واحمد عز
على فكرة
انا اللى لابس اسود
اه على فكرة برده والله هو اللى طويل مش انا اللى قصير

اصر يتصور معايا ما رضيتش اكسفه

صورة السيد الدكتور ممدوح البلتاجى وزير الشباب السابق يعنى قبل ما اصوره

انا اللى صورت الصورة دى يوم 10/12/2005 بعدها بكام يوم اتشال
والوزارة اتلغت بقت الشباب لوحدها والرياضة لوحدها
هتقولوا علية انى فقر مش كدة؟؟؟؟؟؟؟

دعاء السنة الجديدة

يا رب السنة دى تبقى احلى من اللى فاتت واللسنة اللى جاية ما تبقاش زى السنة دى يعنى ناخد مواد تانية جديدة يعنى ما نعدش تانى عشان خلاص

مش طالبة اللى نقوله نزيده تانى عدنا كتير وشفنا كتير وما بنتعلمش فكرنا فى حلها لقيناه حل ما بيتوصفش

لا ذاكرنا ولا تعبنا وقال ايه على النجاح دورنا دى قلة ادب

اصل القطار كان متخلف عقليا

لقي ثمانون شخصا على الأقل مصرعهم وأصيب 163آخرون بجراح في اصطدام قطاري ركاب شمال العاصمة المصرية في حادث هو الأسوأ من نوعه منذ أربعة أعوام

.
النهاردة الصبح قطرين خبطوا فى بعض ودة شىء عادى جدا وبالصلاة على النبى
معروف هيقولك القطار و السواق كانوا متخلفين عقليا والمحولحى كان متخلف هو كمان وهيعاقبوهم اشد العقاب ووزير النقل هيتخذ القرار المناسب لعدم تكرار مثل هذا الاهمال
وسيتم تشكيل لجنة لمعرفة اسباب الحادث
انا عايز اقول نصيحة ويا ريت يسمعونى بليز يتم تشكيل لجنة من الاطباء النفسيين يكشفوا على الموظفين اللى فى مصر كلها والشعب
ويكشفوا عليه انا كمان ونشكل لجنة للكشف على الاطباء النفسيين للتأكد من سلامة قواهم العقلية

وكلنا نشرف السرايا الصفرا ونستريح

ويجعله عامر

يا فتاح يا عليم يا رزاق يا كريم

بالصلاة على النبى احنا لسة فاتحين البلوج جديد انا لسه مش محضر موضوع
بس انا عايز بس اسلم على الناس الحلوة والشباب التمام وعايز اقول لكم كل سنة وانتم طيبين بمناسبة اقتراب العام الدراسى الجديد اعاده الله علينا وعليكم باليمن والبركات